ମୋ ଜେଜେମାଙ୍କ ମୁହଁରୁ ଏକ ଲୋକକଥା (ଭୋଗରାଇ ଅଞ୍ଚଳର)


ପଙ୍କଜିନୀ ଦାସ ମହାପାତ୍ର
                                 

ଗଟେ ଗାଁର ତିନିଟିଆ ଘର
ଦିଟିଆ ଘର ଦର୍-ଭାଙ୍ଗାଭୁଙ୍ଗି
ଗଟେ ଘରର ଚାଳ ନାହିଁ ।

ଯେ ଘରର ଚାଳ ନାହିଁ
ସେହିଁର ଝୁଲୁଚି ତିନିଟିଆ ଶିକା
ଦିଟିଆ ଶିକା ଦର ଛିଡାଛିଡି
ଗଟେ ଶିକାର ଫାଶ ନାହିଁ ।

ଯେ ଶିକାର ଫାଶ ନାହିଁ
ସେହିଁର ଅଛି ତିନିଟିଆ ହାଣ୍ଡି
ଦିଟିଆ ହାଣ୍ଡି ଦରଭାଙ୍ଗାଭୁଙ୍ଗି
ଗଟେ ହାଣ୍ଡିର ତଳି ନାହିଁ ।

ଯେ ହାଣ୍ଡିର ତଳି ନାହିଁ
ସେହିଁର ଫୁଟିଲା ତିନି ସେର ଚାଉଳ
ଦି ସେର ଚାଉଳ ଦର୍-ଫୁଟାଫୁଟି
ସେରେ ଚାଉଳ ଫୁଟିଲା ନାହିଁ ।

ଯେ ସେରେ ଫୁଟିଲା ନାହିଁ
ସେହିଁର ପଡିଗଲେ ତିନିଜଣ ବନ୍ଧୁ
ଦୁଇ ଜଣ ବନ୍ଧୁ ଦର୍-ଖିଆଖୁଇ
ଜଣେ ବନ୍ଧୁ ଖାଇଲା ନାହିଁ ।

ଯେ ବନ୍ଧୁ ଖାଇଲା ନାହିଁ
ତାକୁ ଦିଆହେଲା ତିନିଶ ଟଙ୍କା
ଦୁଇଶ ଟଙ୍କା ଦର୍-ଗଢାଗଢି
ଶହେ ଟଙ୍କାର ଚକି ନାହିଁ ।

ଯେ ଶହେ ଟଙ୍କାର ଚକି ନାହିଁ
ସେହିଁର ଖୁଳାହେଲା ତିନିଟିଆ ଗଡିଆ
ଦିଟିଆ ଗଡିଆ ଦର୍-ଖୁଳାଖୁଳି
ଗଟେ ଗଡିଆକୁ ଚଟା ଯାଇନି ।

ଯେ ଗଡିଆକୁ ଚଟା ଯାଇନି
ସେହିଁର ପଡିଲା ତିନିଟିଆ ଜାଲ
ଦିଟିଆ ଜାଲ ଦର୍ -ଛିଡାଛିଡି
ଗଟେ ଜାଲର ଫାଶ ନାହିଁ ।

ଯେ ଜାଲର ଫାଶ ନାହିଁ
ସେହିଁର ପଡିଲା ତିନିଟିଆ ବାଳିଆ
ଦିଟିଆ ବାଳିଆ ଦର୍-ମଲାମୁଲି
ଗଟେ ବାଳିଆର ଅନ୍ତ ନାହିଁ
ଏକଥାର ସତ ନାହିଁ  ।

~~~o~~~

[ଯେ- ଯେଉଁ, ଗଟେ- ଗୋଟିଏ, ଦିଟିଆ- ଦୁଇଟି, ତିନିଟିଆ- ତିନିଟି, ସେହିଁର- ସେଥିରେ, ଦର୍- ଅଧା, ତିନିଶ- ତିନିଶହ, ଦୁଇଶ- ଦୁଇଶହ, ଖୁଳାହେଲା- ଖୋଳାଗଲା]

Comments

  1. santosh jagdevMarch 17, 2017 at 2:23 PM

    Mo pain kichi lekhe..... Kichi data darkar.. Contact me.....

    ReplyDelete
    Replies
    1. Sangram Das MohapatraMarch 20, 2017 at 11:56 PM

      lekhibi lekhibi.... Santu: The asantusta crime reporter

      Delete
  2. santosh jagdevMarch 17, 2017 at 2:29 PM

    Mo pain kichi lekhe..... Kichi data darkar.. Contact me.....

    ReplyDelete
  3. UnknownMarch 18, 2017 at 6:23 AM

    Thakma kiso no lekhilo goooo...j balia machhore anto nahi sethire thila tintia korandi machho... ��

    ReplyDelete

Post a Comment

Popular posts from this blog

ନିର୍ବାଚନ ଓ ଗାଁର ମଳିମୁଣ୍ଡିଆ

Image
ଗାଁକୁ ଯାଇଥିଲି, ନାଥ ସହ ଦେଖା ହୋଇଥିଲା। ଲୋକଙ୍କ ପାଇଁ ନାଥିଆ, କିନ୍ତୁ ଘର ଭଙ୍ଗାକାନ୍ଥ ପଡ଼ି ମାଆ ଆରପାରିକୁ ଯିବାପରେ ପ୍ରକୃତରେ ଅନାଥ। ସେ ମା'ପେଟରେ ଥିବା ବେଳକୁ ତା ବାପାକୁ କୁଆଡ଼େ ଗୁଣିଆ ବାଣ ମାରିଥିଲା, କିଏ କହେ ବିଲମଝିରେ ଛାତିଫାଟି ମଲା, ଆଉ କିଏ କହେ ଘରେ ଶୁଖିଶୁଖି ମଲା। ନାଥ ମୋ ଦୁଇଟି ଉପର ଶ୍ରେଣୀରେ ପଢ଼ୁଥିଲା, ମୁଁ ଯେତେବେଳେ ତୃତୀୟରେ ପଢ଼ୁଥାଏ। ମୁଁ ଚତୁର୍ଥ ଛୁଇଁଲା ବେଳକୁ ସେ ଗାଁଲୋକଙ୍କ ସହ ବିଲରେ ମଜୁରି ଖଟୁଥିଲା। ପଞ୍ଚମ ଯାଏଁ ପଢ଼ିଥିବା ନାଥ ଏବେ ନିର୍ବାଚନ ପ୍ରଚାରରେ ମାତିଛି ଓ ପାଞ୍ଚଗାଁ ଖବର ରଖୁଛି। ମୋ ଠୁ ବୟସରେ ବଡ଼ ହେଲେ ବି ମୁଁ ଗାଁକୁ ଗଲେ ମୋତେ ତା ବଡ଼ଭାଇ ଭଳି ବ୍ୟବହାର କରେ। କହିଲା ତୁମେ ତ ବାହାରେ ରହିଲ, ଗାଁ ଖବର ରଖିବା ପାଇଁ କାହାକୁ ତ ଏଠି ରହିବାକୁ ପଡ଼ିବ। ଚାଷରେ ଲାଭ ନହେଲେ ବି ମୁଁ ଏଠି ଶାନ୍ତିରେ ଅଛି। ରାତି ପାହିଲେ ଗାଁ ଭାଇଙ୍କୁ ଭେଟୁଛି, ଦୁଃଖସୁଖ ହେଉଛି, ଗାଁରେ ଘେରାଏ ବୁଲି ଆସୁଛି। ଦେଖୁଛତ ଇଲେକସନ ଆସୁଛି। ଦି ପଇସା ରୋଜଗାର ବି ହବାର ଅଛି। ମକରା ଭଳିଆ ବାଙ୍ଗାଲୁର୍ ଯାଇ ଦହଗଞ୍ଜ ହୋଇ କାହିଁକି ପୁଣି ଗାଁକୁ ଫେରିବି? ଏଇଠି ମୁଁ ଭଲରେ ଅଛି। - ସବୁକଥା ଠିକ୍ ଯେ, କିନ୍ତୁ ଇଲେକ୍ସନ ଆସିଲେ ଦି ପଇସା ରୋଜଗାର ହେବ ମାନେ? ତୁ କଣ ଦଳର ପ୍ରଚାରରେ ବୁଲିବୁ କି? ମୁଁ ପଚାରିଲି। - ଦେଖ ଭାଇ, ଭୋଟ ଗୋଟେ ମଉକା। ମୁଁ କହିଦେଇଛି, ମୋର ମଦ କି ମାଂସର...
Read more

ମା'ଲୋ ମୋତେ କ୍ଷମା କର୍

Image
ତୋ ବୁକୁରେ ହଳ ଚାଲିଲେ ଆମ ଘରେ ଚୁଲି ଜଳେ ତୋ ଧମନୀରୁ ରକ୍ତ ଶୋଷି ପ୍ରାଣ ବଞ୍ଚେ ମୋ ଛାତି ତଳେ କିନ୍ତୁ ଲୋଭଗ୍ରସ୍ତ ପିଶାଚ ମୁଁ,  କ୍ଷୀର ପରେ ରକ୍ତ,  ରକ୍ତ ପରେ ପ୍ରାଣ ଶୋଷିବାରେ ବ୍ୟସ୍ତ,  ହେଲେ ତୁ କେବେ ଆହା ବି କରିନୁ।  ମା'ଲୋ ମୋତେ କ୍ଷମା କର୍, ମୁଁ ବି କେବେ ପଚାରିନି କେମିତି ହସୁଚୁ ତୁ?  ଯନ୍ତ୍ରଣାର ଆଗେ ତୁ କଣ କେବେ ବି ହାରିନୁ? ମୁଁ ନିଷ୍ଠୁର,  ଆହା ପଦେ କହିନି ତୋ ପଣତ ପାଉଁଶ ହେଲାବେଳେ,  ଲୁହ ଟୋପେ ଢାଳିନି ତୋ ନିଶ୍ୱାସରେ ବିଷ ଚରିଗଲା ବେଳେ,  ଆତ୍ମା ମୋର କେବେବି ଝୁରିନି ତୋ ମାତୃତ୍ୱକୁ ପଦାଘାତ କରି ତୋତେ ଦାସୀ ଦଶା ଦେଲାବେଳେ,
Read more

ସେ ରଙ୍ଗ ରହିଲେ ହେଲା

Image
କିଏ କହେ ଖୁସି ଓ ଆନନ୍ଦର ପର୍ବ, କିଏ କହେ ଭାଇଚାରାର ପର୍ବ, ଆଉ କିଏ କହେ ପ୍ରେମର ପର୍ବ ।  କିନ୍ତୁ ସମସ୍ତେ କହନ୍ତି ହୋଲି ହେଉଛି ରଙ୍ଗର ପର୍ବ ।   କିନ୍ତୁ ବନ୍ଧୁ ଏ ରଙ୍ଗ ନୁହେଁ ସେ ରଙ୍ଗ ରହିଲେ ହେଲା । କେ ବଳ ହୋଲି ନୁହେଁ, ସମୟ ସହିତ ଅଧିକାଂଶ ପର୍ବ ଅବକ୍ଷୟମୁଖୀ ।  କିଛି ପର୍ବ ତ କେବଳ ଗାଁ ଗହଳିରେ ବଞ୍ଚି ରହିଛି ।   ଆଉ କିଛି ନିଜର ସ୍ୱତନ୍ତ୍ରତା ଓ ଲୋକପ୍ରିୟତା କାରଣରୁ ଏବେବି ଅସ୍ତିତ୍ୱ ବଜାୟ ରଖିଛି  ।   କିନ୍ତୁ ଆଧୁନିକତାର ସ୍ପର୍ଶରେ ସେସବୁ ମଧ୍ୟ ନିଜର ପ୍ରକୃତ ସତ୍ତା ହରାଇ କେବଳ କ୍ଷଣସ୍ଥାୟୀ ଖୁସି ଓ ମଉଜ ମଜଲିସରେ ସୀମିତ ହୋଇ ରହିଛି ।  ପର୍ବର ପ୍ରକୃତ ଆଭିମୁଖ୍ୟକୁ ସମସ୍ତେ ପାଶୋରି ଦେଉଛନ୍ତି ।  ପର୍ବ ପାଳନ ପାଇଁ ଅଜସ୍ର ଟଙ୍କା ଓ ସମୟ ଖର୍ଚ୍ଚ ହେଉଛି, କିନ୍ତୁ ଫଳ ଫୁସ୍ ।   ପର୍ବର ଏଭଳି ବିକୃତ ପାଳନରେ ଲାଭ କଣ ? ଏଇ ଯେମିତି ଆଲୋକର ପର୍ବ ଦୀପାବଳି କଥା ଦେଖୁନାହାନ୍ତି ?  ଦୀପାବଳି ହେଉଛି ଆଲୋକର ପର୍ବ, କିନ୍ତୁ ମାତ୍ରାଧିକ ଗୁରୁତ୍ୱ ଶବ୍ଦକୁ ।   ଦୀପ, ମହମବତୀ କିମ୍ବା ଫୁଲଝରି ଅପେକ୍ଷା ବାଣର ଚାହିଦା ଅଧିକ ।  କାମ ଚଳିବା ପାଇଁ ଗୋଟିଏ ଦୁଇଟି ଦୀପ, କିଛି ମହମବତୀ ଓ ଛୋଟଛୋଟ ପିଲା କିମ୍ବା ବାଣକୁ ଡରୁଥିବା ଲୋକଙ୍କ ପାଇଁ ଫୁଲଝରି ହେଲେ ଚଳିଲା ।  କିନ୍ତୁ କାନଫଟା ବାଣର କୌଣସି ସୀମା ନାହିଁ...
Read more